Chal phireye aie dil mere

Chal phireye aie dil mere, ek khwaab to bun jaayega…

Annkhon ka aasoon sukh kar, ek raag to ban jaayega…

Chahe anchahe raston par, hum saath jo yun chal pade..

Koi chor nahi is raste ka, phir haath kyun hum thaam chale..

Kahte hai hum ek duje se, raah aaj badal lete hain,

Na jaane phir kyun, waapis ek hi raste pe chal dete hain..

Humne to abtak samjha nahi, yeh khwaab hai ya pyaar hai,

Koi aur aakar samjha de, aur neend humari tod de,

Chal phireye aie dil mere, ek khwaab to bun jaayega…

chalo chale kahin chal kar sukoon ki talash karen...

chalo chale aaj chal kar sukoon ki talash karen,
woh rahta kahan hai?
kin galiyon me, kis desh me?
jo aankhen phaade dhundha use to dikhta nahi hai,
jo cheekh kar aawaaz lagai to sunta nai hai,
kahin to uska thikana hoga,
apno se itna na begana hoga,
dil kahta hai, chura lun, use jo mil jaye kisi ke paas,
aaj pyaar se bhi badh kar hai sukoon ki talash!